我都係返工途中講左一句jei,返到公司就發現有一個人請whole day sick leave, 一個人請am sick leave 及pm sick leave,五個人請whole day annual leave,兩個人請am annual leave, 四個人請pm annual leave。我講左句乜野?咪係:「聽日先有buffet食」lor。

早兩天唐唐帶頭促消費。正所謂為善不甘後人,繼早前參加電腦節搭了$22.4車,吃了個$30的晚飯,最後買了個$39的讀卡器後,今晚就第一次光顧私家牙科診所(無辦法啦,無理由睇醫生果陣同醫生講:「我冇病」,但冇病冇痛都可以去洗洗牙)。原來而家睇牙醫又可以揀醫生,又有卡片派,好似入左間明星補習社咁。牙醫姐姐一邊檢查牙齒一邊跟旁邊疑似護士(還是實習生?)不斷講一些醫學術語,我就只有O晒嘴。私家牙醫比公家或者大學牙齒講解仔細得多,會俾好多關於護理牙齒的建議,同埋會hardsell一下其他我有排都用唔著既服務,仲會每年提你覆診,最後更會送牙膏牙刷(有sponsor?)。去一回就為香港GDP增加$450。

Advertisements