通常這個時候通街都會是回顧,然後扔空虛一個月後寫d新年願望,為了符合大眾的合理期望,唯有當一次幫兇去悶死大家。
社會時事的事不說了,多說恐怕被人蕉扔鞋了。
回看去年年尾自己的網誌,原來都有做回顧,而且又詳細又有條理。不過今年不會了,因為一返番學就頹番
早前聽基督徒說自己因督信基督不信命理,所以從不會看蘇先生麥小姐等寫的書,從這回基督徒又少了一個人生樂趣
今次我就請來了蘇先生麥小姐批批命,拿,咪話我唔提提你,基督徒請回避一下啦。

蘇民峰、麥玲玲2008鼠年運程詳批
肖鼠運程:有新發展
出生年份1936、1948、1960、1972、1984、1996、2008
天生富貴指數(五$最高) $$$$
性格鼠咁醒目
肖鼠一般機靈、敏捷,細心多計,觀察力強,勇於嘗試。凡事精打細算,而且口才了得,職場上永不會成為失敗者。缺點是多心,周身刀冇張利,而且報復心強,斤斤計較。轉數快、多諗頭是鼠的優點,喜歡作多方面嘗試,適宜從事收入不穩定的行業或從商做老闆,如證券買賣、的士司機、出入口貿易等。
整體運變化難免
肖鼠本命年犯太歲,代表運程特別反覆,容易轉工、搬屋、感情出現變化,但結婚、生仔都是變化,不一定是負面,正所謂「一喜擋三災」,多辦喜事如結婚、添丁,應了反覆的運程,相對衰運便減少。
今年共有三顆與健康有關的凶星,包括「劍鋒」、「飛刃」及「伏屍」,須提防手腳扭傷弄損。吉星則有「歲駕」、「唐符」及「將星」,眾星謢駕,代表領導才華得以發揮,表現有目共睹,打工仔可望升職加薪
今年更有「金匱」星,「金匱」為財帛星,有如夾萬一樣,可儲積財富,尤以熱命、平命人財運最為明顯
寒命人投資勿輕舉妄動,事事忍讓,不宜轉工。
熱命人有機會便要把握,轉工或創業的好時機。
平命人情緒不穩,但整體仍在進步。

大搞生日派對,同長輩擺大壽,總之搞多些喜慶事,日日嘻嘻哈哈。

投資千祈唔好衝動大膽落注,細細玩,賺少少就要收手。
財運
蘇民峰:投資得財
熱命、平命人今年系思想投資得財年,做生意或上班一族都有新發展機會;寒命人則破財,千祈咪輕舉妄動,投資或借錢畀人都唔好。而肖鼠雖然犯太歲,但犯太歲同運氣實則無關,只同情緒有關,尤其是農曆十一月,shortshort亂諗,適宜去旅行化解。熱命、平命人要去西北方,例如歐洲;寒命人應去東南方,如菲律賓。
麥玲玲:吉星拱照
在「歲駕」、「唐符」及「將星」拱照下,財運順遂,做生意人決策力強,靈感不絕,發展商機。偏財方面,不論投資、投機均採取保守策略為妙,另外會在治療疾病方面花費金錢
事業運
蘇民峰:爭取機會
今年系思想學習年,熱命、平命人不論做生意或上班一族都有新挑戰,應極力爭取,適宜作好準備去迎接新發展機會;寒命人運程麻麻,有破財之象,要記住只問耕耘,不問收穫。
麥玲玲:升職有望
工作表現獲得上司賞識,有晉昇機會。因犯太歲關係,轉動的慾望強烈,雖然今年「宜動不宜靜」,但為免輕率作出錯誤決定,應考慮及觀察清楚才作決定。
麥玲玲醒你投資秘訣
犯太歲運勢極端,常受心情影響。投資計劃宜速戰速決,而且只宜小額下注,大額投資多虧本離場。
蘇民峰批旺財月份
財月:西曆4、5、8、10月
破財月:西曆2、6、7月

出生年份
36年享受退休終於可放鬆心情,享受退休生活;不妨多一點去外地旅遊,化解犯太歲所帶來的影響。
48年地位提升有地位提升之機會,尤其熱命、平命,更要把握這數年的好運。
60年多勞多得辛苦個人力量得財年,對從事收入不穩的人來說,特別有幫助,望能把成績做得更好。
72年適宜投資不論何種命格都適宜學習投資,但如果是投資做生意的話,則熱命和平命人較佳。
84年異常忙碌今年工作忙碌得有一點不習慣,再加上犯太歲,容易受情緒困擾,宜放鬆心情面對。
96年學業退步

2008鼠年運程詳批?出年唔係09牛年咩?係ar,我係鐘意批番轉頭ar
容易轉工、搬屋、感情出現變化:唔好意思,今年是小弟開始返工以來唯一一年冇轉過工lor;冇搬過屋wor;感情穩定到痺,一直keep住冇變化。
須提防手腳扭傷弄損:應左tim,八月炒年扭襯手同頸,而家先叫做「好番晒」,都唔知日後會唔會有手尾跟
打工仔可望升職加薪:依句好tricky,望下lor,望下人地升職加薪lor,咁我又真係望到有人升職加薪gei。
可儲積財富,尤以熱命、平命人財運最為明顯:又會la,MPF蝕到渣都冇,明明供緊,個MPF戶口既銀碼係倒扣lor。銀行轉左用綜口戶口,無啦啦要人供份退休儲蓄保險,睇下我個樣就知五年十年後仲未有耐退休啦。
平命人今年系思想投資得財年,做生意或上班一族都有新發展機會:轉project、轉用唔同language算唔算ar?
平命人不論做生意或上班一族都有新挑戰:同上。佢地講既野又幾首尾呼應wor。
工作表現獲得上司賞識,有晉昇機會。因犯太歲關係,轉動的慾望強烈:幾廿個電話叫我轉工,全部我諗都冇諗就reject左,咁都叫「轉動的慾望強烈」?
財月:西曆4、5、8、10月:d錢唔見得最快果個月就係5月,交左幾萬元學費啊,10月連飲三次,入西貢玩又玩左三次,咁都叫財月?
破財月:西曆2、6、7月2月又逗利是又有雙糧又加人工,咁又係破財月?唔通係利是同人工加得唔夠多?都算係gei,咁新一年大家記得俾多d利是我啦。
84年異常忙碌今年工作忙碌得有一點不習慣:又會忙啦,忙係忙左一d gei,但同07年上半年比係小巫見大巫啦。

總結:除左手腳扭傷弄損外,我唔見有樣中lor。

Advertisements