You are currently browsing the category archive for the ‘日記’ category.

今天是四年一度的組聚

當猶豫著應否辭職當自由工作者時,有人已經自組公司當起老闆來

當猶豫著應否找個伴侶時,有人已經成家立室

當猶豫著應否去工作假期時,有人已經準備移民外國去

一次聚會讓我學懂了,很多決定不是這麼難下,至少不值得花這麼多時間去猶豫,無論決定對與錯也好,現在還不是生活得好好的?

一直很想跳出框框,但怕離群後的孤單,偶意又發現框框外也有老朋友在等著

也許這就是我一直尋找中的勇氣

新工返左兩年半XD,係時候做個 review:

1. 數字上人工係多左,但冇埋個醫療津貼(傷風感冒腸胃炎都仲有得claim,但其他例如撞車 cancer 等就冇得claim,咁同冇左都冇乜分別,傷風感冒腸胃炎我都唔睇醫生既 @@”),OT錢 $25/hr 都冇埋,計埋通脹應該係減左人工;

2. 本來做呢份工既原因係貪佢唔係咁理想,唔似得之前會做落唔捨得走,冇諗過一做就做左兩年半,睇黎我都幾懶得轉工 ,因為雖然大老闆好難頂,但個直屬上司就好好人。同埋而家成個IT部一個玩晒,啲野想點做就點做,原來幾爽。以前我會諗跟勁人一齊做野先方便學到野,而家發現一腳踢都學到好多野,以後唔好再低估自己既自學能力 😀

3. 成日都強調公司有最佳效益員工大獎,講到好鬼巴閉,又要工作滿一年先計,又要唔請得病假(係要人病左都要返工,傳染晒俾其他同事先安樂既)。。。。。。結果上年我竟然攞到(因為啲病假變晒做事假@@”),奬品唔再係每個月既五百元MPF,而係一千元,當係一筆小小既橫財啦

4. 最後想講係而家做野既心態轉左(唔通因為人到中年?),以前會好著重人工、福利等等,而家明白咁樣唔係辦法,因為人工一直點加都過唔到通脹。而家會著重自己學到幾多野,相信只有自己再叻啲,人地先有機會肯俾多啲請你。同埋明白間公司大唔大其實唔係咁緊要,最緊要係有空間發揮

新工返左一個月, 係時候做個 review:

1. 由數碼港到新蒲崗到觀塘,公司越黎越近屋企 :p (其實係自己放棄更遠既工作地點);

2. 數字上人工係多左, 但呢度冇十三個月糧冇左兩日假冇考試假冇返少半個鐘冇左一個鐘彈性上班時間冇機打冇一半醫保冇牙齒檢查津貼冇任食生果冇任飲咖啡汽水冇公司期權冇折讓股票,計埋通脹應該係減左人工;

3. 感覺新公司在好多地方上都幾小家,例如明明有彈性上班時間,又出晒口術話「一小時的彈性上班時間只是緩衝時間,給大家於緊急狀況下使用。」,明明可以smart casual 但又唔俾你著牛仔褲,話OT超過一個鐘會按人工比例計返錢但上限係 $25/hr (而家最低工資都去到 $28/hr 啦,咁點解唔直接寫OT錢 $25/hr 呢?),午飯時間公司會熄燈(但明明仲有人留低食飯同做野wor);Pantry 勁細,又唔比人留係位食飯,結果全世界留係公司既都要迫埋入個會議室食;明明話要環保,轉個頭走去書展送支裝水。。。

4. 成日都強調公司有最佳效益員工大獎,講到好鬼巴閉,又要工作滿一年先計,又要唔請得病假(係要人病左都要返工,傳染晒俾其他同事先安樂既),但獎品只係公司代供5%MPF @@”

(待續)

很久都沒有更新這個年誌,為了答謝各位仍然有追看的讀者,今日我就寫一些特別一點的東西–洗手間。

話說昨晚又發了一個怪夢,夢見自己去了一間奇異的公共洗手間,洗手間有三個厠格,厠格入面有三個馬桶及一個花曬頭。你可以把選擇把門鎖起獨享厠格,亦可以跟別人共用,但厠格間板很矮,你可以見到外面的人,外面的人亦可以見到你。

本來我是選擇獨享厠格,但因為抵不住外面輪候人士的目光而多讓兩位男士進來。跟別人共享厠格的感覺是很難受的,特別是後來還走進兩名女的。噢,我忘了說這個洗手間是男女共用的。

現實中很難找到多馬桶的厠格,但男女共用倒算常見。在哪裏?屋企的那一個便是了。要數公用的還有流動厠所、卡啦 OK CEO 房間、酒店房間、樓上舖、小型辦公室等,但可能因為這都是單人洗手間,使用時不會有異性出現,大家沒有留意吧了。

但不是沒有異性出現就沒有問題,就算明知入面沒有人,要貿然走進異性洗手間,會滿感邪惡的,但這不是受裏面不同的擺設影響啊。我記得小時候參加迎新營,住在二宿二樓,很奇怪,洗手間裏的尿兜不知怎的全都是封著,後來才知道這原本是個女洗手間(不要問為何會有尿兜)。在一些大型活動中,大會經常都會更改洗手間用途,只是因為門口的標示臨時被封住了,罪惡感就消失了。

講起大學洗手間,不得不提一單舊聞,某大學新學生宿舍走進時代的端端,設計了男女共用的多人洗手間連浴室。雖然大學強調每個厠格及淋浴間都是密封的,私隱度十足,但結果不為學生接受,最後大學都把洗手間分回男女。奇怪是如果這些密封厠格及淋浴間不是設立在被定義為洗手間/浴室的空間內,而是如走廊般的開放空間中,大家又不會這麼抗拒啊。無巧不成話,這兩個設計在我多年後分別於曼谷兩所的青年旅舍遇上了,不同的只是這些間格沒有密封的設計,現在回想起來,大概這種設計是為方便第三性別使用吧。

寫了這麼多,其實我是想說,最近有朋友在臉書上提到,他們所入住的酒店房間洗手間很有「情調」,牆身是落地玻璃,下半身是磨砂,上半身是玻璃色的,裏面的淋浴間也是落地玻璃,所有門都沒有鎖。這好像是近年很流行,小弟最近所住過的七間酒店中,就有三間是近似的變態設計。我想說的是,這類「情調」洗手間,可否只設在雙人床的房間內呢?

作為一個年記,係時候寫篇新文章啦。

為準備撰寫2011年的回顧,我跑到年頭的xanga 看看,然後發現這個評語...

>All the best in 2011! 🙂 不過你會先寫個2011Plan待年尾再回顧嗎? XD

都係 head p 醒目,知道我呢種人未到事情完成前最後一刻都唔會的起心肝寫計劃(注意:係事情完成前的最後一刻,而不是事情發生前的最後一刻 XD)

 

好啦,點講都要補番個展望先:

 

2011Plan:

1. 一個人的旅行(已完成)
點解要一個人的旅行?因為我實在好想自助旅行,自助旅行不就是一個人的旅行嗎?(節錄自某傻呼呼的準背包客)
其實都要面對現實啦, 隨著年紀漸長,好多同齡既朋友都已經有家室,好似我呢d 「浪子」(打完自己都忍唔住笑)真係買少見少,真係唔係下下都搵到人請假陪你,重要陪你 last minute 先訂到行程機票 wor
去完番黎都預左俾d長輩話啦, 又話一個人好危險啊(其實有冇留意幾乎每單關於旅行意外的新聞報導,死得人既都係跟團),又去埋d治安咁差既地區(人地中門大開放低部腦o係街外人都入到去既 pantry 都唔驚,試問你在香港敢唔敢?唔敢既話,點解你咁勇敢在咁危險既香港住咁多年?),又話好彩你係男仔 ja(你覺得我出發前唔知自己係男仔咩?),算啦,對於一d一世仔都未試過,甚至好可能一世人都唔會一個人旅行既長輩,係唔會明白乜野係一個人旅行。
一個人旅行唔代表你由出發到回家既時間都係一個人,除非好刻意單獨行動,否則落單既時間真係少之少,因為一個人既時候實在好容易識到新朋友啦。好似我今次既旅程咁,只係得泰國機場去泰國邊境,暹粒去暹粒邊境,同埋獨闖暹粒市郊先係單飛,因為你一個人坐係度,就算你想靜下,你隔黎位都會主動跟你聊天。至於安全wor,對住一d衣衫襤褸、有色人種既陌生單身男士就真係要提防一下啦。。。係呀,果個咪係我 lor,講驚,人地重驚過你啦,你覺得世界上真係有咁多賊會打劫其他賊咩?

2. 學車(己完成)
自從三年前玩過小型賽車後,發現無論你有幾小心,你手車幾得,只要其他道路使用者亂黎,你一樣都會出「意外」。所以我真係唔想係人多車多既香港駕車啦。
但點解會走去學車?全因上年去美國啟發到我,有d地方唔會有公車到,唔到你唔駛車,亦為左準備將來可能仲會到美國開會(實情已經再冇機會啦),都係學定先穩陣d
有d人會話邊間邊間駕駛學校教得好,駕駛學院我唔講,你o係是但一個學車熱點觀察下條街,橫衝直撞起步死火既,十架有九架都係貼住駕駛學校個名。我跟過三個師傅,街師傅真係比駕駛學校教得有心機好多,特別係當你明知你俾既學費比其他學生高,仍然肯搵佢教既師傅,佢真係會有心機到為左教你,特登走去推其他學生既堂 ga~

4. 學潛水(已完成)
學潛水對小弟黎講係其中一個突破,雖然我好細個就識得游水,但亦因為我好細個就識得游水,所以我好細個就知道我好易會耳痛。但睇左好多好朋友既靚相,加上睇過一d教潛水既書,發現潛水裏的技巧對其他水上活動都有幫助,好值得去學ga,所以就約埋另外幾位都好鍾意玩水既舊同事去學啦。

5. 學山藝(已泡湯,反而意外順手學了運動攀登及攀岩)
本來我打算到總會報山藝課程,見到總會還有運動攀登及攀岩課程,所以好順手咁報埋,點知抽了三次都抽唔到,反而d運動攀登課程就俾我考晒。係香港,運動攀登都幾抵玩,康文署d室外場又靚又唔駛錢,得閒真係要玩下

為準備撰寫2010年的回顧,我跑到年頭的xanga 看看,然後發現這篇日誌...

2009.12.31(四)

...

好像還未有人開始寫今年回顧,讓我搶先寫第一個先 

1. ...
2. ...
...

12. 至於來年展望呢......留待明年再寫吧。
原來我欠交了今年展望達三百六十四又十六小時之久!為了不辜負大家對小弟的期望,我決定在死線上先完成撰寫今年的展望啦 XD

 

2010年展望:

1. DBS畢業(已完成)
2. 台灣旅行(已泡湯)
3. 購買非牟利機構的產品作禮物(已完成)
4. 尋找資金出路(進行中)
5. 一年兩次牙齒檢查(已泡湯)
6. 找個女朋友(已泡湯,除非現在立即落街隨便找個女孩示愛仲要佢肯wor XD)
7. 中六合彩(已泡湯)
8. 飛黃騰達(已泡湯)
9. 快高長大(已完成,冇得再高 ga la XD) 
10. 孝順父母(進行中)
11. 買車買樓(已泡湯)

在這個特別日子,我做了兩個決定:

 

1. 加入Couchsurfing

其實早在年多前(港女還未出事前)已經知道坊間有沙發衝浪這樣有趣的玩意,不過當年覺得要管理一個這樣的戶口很費時間(一個新生要取得陌生網友信任不是件容易的事,起碼要讓網友認識自己多一點),所以決定先做少少研究,看看哪一個沙發衝浪適合自己才決定,一研就研究了整年,最後都是選擇couchsurfing,勝出理由是較多會員及較高回覆率。

 

2. 加入postcrossing

都是早在年多前(這個不易出事)已經知道坊間有這樣有趣的玩意,不過轉眼便忘記了=P。直到加入Couchsurfing後(才一小時前的事)偶意看到一個關於明信片的回覆推薦這個網站,才讓我有機會重臨這裏,所以今次二話不說就參加了。第一封明信片是要寄往俄羅斯的,放工後我到了公司附近的文具店逛逛,老闆說自己售賣的明信片不好看(新蒲崗人真老實),所以把它們藏在聖誕卡後(如果不開口問他,根本沒可能找到),一看之下其實都不錯啊,至少比商x印書館的老套明信片好看得多。(話說回來,香港哪裏可以買到一些似樣一點的明信片啊?難道要老遠跑到赤柱等旅遊熱點才能找到?我在美國隨意找張香港印製的明信片,都比在香港本地找到的美)

寫好明信片後,八卦一下這位俄羅斯幸運兒收過甚麼明信片,發現了原來早前已經有一位香港人寄過明信片給她了,而且那張明信片跟我手上寫好的很像!因為是同一系列的!幸好大家選中不同明信片。(其實我不知道為何他會選中那一張,因為整個系列中,我手上那張是明顯比其他的漂亮得多)不過既然已經寫好了,我可不管啦 XD

今早發了個很奇怪的夢--

 

話說我收到消息,有位朋友的家人想賣屋,三百多呎 T 字形村屋,非常偏僻(私家車都入唔到果隻),屋不大,但相連兩個幾千呎的魚塘,因為果兩個魚塘已被劃分做農業用途,唔改得,所以先咁平賣一百二十萬。於是相約某天到佢屋企睇樓(實際上係去玩,因為點睇我都冇咁多錢買屋)

 

去到實地視察,雖則話間屋只有三百多呎,仲要係怪怪既 T 字型,但比我想像中實用(乜我唔係去玩 gei mei?)。睇睇下樓之際,我個 fd 突然攞左佢兩條寶貝出黎招呼我,一條係青竹蛇,一條係金腳帶(真係唔毒果條佢都唔養 @@”),嚇到我即刻彈開。最慘係佢間屋唔大,我走開兩步已經俾佢迫埋牆角,仲要俾條青竹蛇咬 ><

 

突然間跳左去廿幾年前,身處同一間屋,見到我個朋友廿幾年前同佢屋企人仲住係果間屋既模樣,佢果陣好得意,但攞住條BB青竹蛇同金腳帶黎玩,驚覺原來佢細細個已經咁喪 @@”

 

P.S. 據我所知,現實中佢冇養過蛇,不過就真係幾喪,即係話如果佢話有養過,我諗我會信果種囉。

很久沒有寫日記,不過這一天一定要記下,因為......

 

我第一次在友誼賽中打穿內野了(在對手沒有失誤的情況下)!

 

算是自己在棒球運動上的一個里程碑吧。要選比此更開心的事,那就是......

 

我第二擊都打穿內野了(依然是在對手沒有失誤的情況下)!

 

當然要多謝安橋穩穩的送出兩個強而有力的 perfect strike 給我打吧。

 

近排迷上了一隻很著名的舊遊戲 – Civilization。

為免讓大家誤會我只顧打機,唔寫咁多啦 =P

 

剛過去的星期日本來去顯田打球,臨出門口前下大雨,大雨到對面樓都看不清,不過這樣都好,鼓勵我去尋找一條更好交通路線,不要過份依賴港鐵。

擬定好路線後就出發,先乘港鐵到九龍塘,再轉乘88M到顯徑巴士總站。今次已經是小弟第二次到九龍塘鐵路站乘巴士,當然不會出現之前找不到巴士站的狼狽情況啦。一路坐巴士一路覺得這條路線很是熟悉,好像在某年某日坐過似的,當巴士駛到隆亨邨時就想起,有次跟Tom行山前就是乘這輛巴士到這裏集合的。以前常覺得怎麼會選個這麼遠的地方打球,原來打球的地方跟tom家是這麼接近,只是小弟住得遠吧。坐車途中還發現了有巴士是往九龍城碼頭啊,等陣間走的時候可以試試。

 

去到球場時發現球場被封閉了,即是說現在就可以試試那條新發現的巴士路線,不用再等了。等了很久仍未見該輛巴士經過,反而有一輛往觀塘碼頭的,不過就貴一些。不打緊,反正從觀塘回家比較近(以港鐵站數計算),船票那邊應該較便宜吧。到了碼頭時發現我錯了,原來這家富裕小輪真是比人家富貴一點,船票比九龍城的還要貴五毫。碼頭上船的位置有很多人垂釣,不知他們是買了票入碼頭,還是沒買票的入碼頭。雖然船票很便宜,但特意買票入內釣魚好像是很傻很天真,但要是沒買票的話,即是說公然跳閘入內也沒有人理會,那麼我又為甚麼要買票啊?=P 另外碼頭內有張告示是這樣寫的:「請勿攜帶 is allowed on board」咁即係鬼佬俾帶,中國人唔俾帶?我猜如果讓edward遇上這個告示,一定會把它拍下來的。

 

星期一很有衝勁的去練跑,即使有小小腳痛都在所不惜,我想是上星期四開心跑計劃的少許成果。不過星期二體力還未恢復過來,可能八個圈對現在來說仍然是太多。但休息一天看來也不是個好選擇,那晚在床上輾轉反側了兩小時還是精神奕奕呢。