You are currently browsing the category archive for the ‘棒球’ category.

明明呢幾年打波已經佔左我餘暇既一半(另一半係睡覺 XD),偏偏我好似未寫過關於打波既野,咁趁記得就寫下啦。

個故事係咁既

話說係六年幾前,我發現自己學射六年都突破唔到個樽頸位,咁就試試行開下,搵樣新既運動學,攞返初學既感覺,返去睇下突破唔到個樽頸。本來仲有另一樣野揀。不過咁啱有舊同事話佢打棒球,於是就跟左佢玩下。本來諗住玩半年就走(本來仲因為一次意外差啲以後都冇得打),點知一玩就玩都而家,仲走左去考埋個記錄員同指導員牌,仲走埋去外地實習,仲。。。。。。

太多意外了

當初被邀請打新秀,到邀請我打新秀過班差唔多走晒,到打左三屆新秀都打唔到公開賽,到第三屆一齊新秀過班都差唔多走晒,到唔再打新秀,夾埋打新秀果班一齊終於打到公開賽,到果班新秀都陸續走緊。

當初以為只有兩三次機會著,唔捨得買,但最後都被人夾左去買既第一對釘鞋,而家已經買到第三對。

當初以為冇乜保護作用既打擊手套,而家換到既第四對已經開始爛

當初以為右優的一定要右打到改成左打再改返做右打再由只用手打改成用腳打再改成旋轉打

中間的轉變也未免太多了

唯一不變的是投球依舊很弱 😛

Advertisements