You are currently browsing the tag archive for the ‘tennis’ tag.

越返得多工,越多金牌在唔知點樣既情況下俾中國隊攞到。

miss左場女排冇睇就輸左,電視又冇乜重播(佢地近排都比較忙),淨係知道係領先兩局後連輸三局,勁唔抵。

體操男子個人全能唔知點樣贏左,據聞係第二次贏,枉我睇左咁耐體操都唔知中國隊以前咁弱,以前一直以為中國隊玩晒,而上一次個人全能金牌唔係李寧,枉我睇左咁耐體操都一直以為當年李寧玩晒,不過唔知都唔奇,李寧開始玩體操時我都未出世,咁而家楊威攞到咪勁過李寧多多聲?咁點解d人咁崇拜李寧?唔通因為佢有錢?最估唔到既係原來李寧識廣東話,仲要講得幾好,仲一早黎左香港住,唔怪得冇人講佢壞話

體操女團又係唔知點樣贏左,據聞係第一次贏,枉我睇左咁耐體操都唔知中國隊以前咁弱,以前一直以為中國隊玩晒。今屆女團除外程菲外冇個識tim。最攪笑係生果頭版話女童中左隻病毒三小時後死左,隔離就大大幅女團攞牌既相,真係唔多吉利。

射箭又係唔知點樣贏左,完全估佢唔到。最估唔既係唔知點解搵盧德溪做「專業旁述」,盧德溪同射箭好似互不相干ga wor,唔相自己google下。

網球女單又奇,明明大威九分鐘就贏左李娜三局,點知最後果盤輸左。第二盤明明李娜贏緊四比一,都可以俾大威反先五比四,之後就跳左去播馬術頒獎,因為係香港第一次奧運馬術頒獎wor@@”,明明之前已經出左數面金牌la wor。第一次睇奧運馬術頒獎,騎師騎埋隻馬出黎,點知其中一隻唔聽話周圍走(唔知點解咁都有獎),攪左好耐。之後上台領獎,滿以為係騎埋隻馬上台,點知係個騎師落馬,連同另外兩個隊友上台,隻馬冇份@@”,俾我係隻馬都燥啦。之後突然間就有旁述話李娜直落兩盤贏左大威@@”。都係早d熄電視訓覺。

晚上又看費達拿vs拿度的決戰,終於明白為何那晚看鄭潔vs莎蓮拿會感動沉悶,原來近年已被他們寵壞了,以為所以公開賽都應該這樣精采。

這場費達拿的正手著晒火,特別是每次開局時的幾盤發球總是又快又準(Ace 25:6),經常秒殺拿度,但拿度今次打法比以往聰明,集中攻擊費達拿相對上「比較弱」的反手,打到費達拿有點「燥」。拿度的擊球比以往更旋,首次在網球場上見到如碧咸的香蕉式軌跡,有一次發球更把球彈向接發球的另一邊,費達拿只好投降。可惜這場比賽實在太物超所值了,未打完一半就要睡覺。第二朝知道是次比賽打了近五個鐘,如果要看畢整場賽事恐怕要深夜三時才能入睡,恐怕那天早上就要像Hannah每次看完歐聯般都要告假了。

Stephanie 生日快樂!

星期五啦!

因為死線臨近,所以近排工作越來越緊張。條死線不可以延遲,事關一延遲就起碼延遲一星期,現在臨近旅行都不敢有準備旅行的感覺,實是遺憾。

午飯時間輪到網球單打比賽,盲縱縱的我沒有展大俠力挽狂欄,都可以打贏一場,第二場亦能迫對手打到第三局,算是超額完成

工作方面有些頭緒,先前的蟲蟲証實真是Spec方面出現問題,不過大家都覺得最大問題是個UI 設計搞的gag,gil gil話因為要以客為先,個客要求個UI搞gag都冇辦法。

放工後跟唯一一個Software Team出線的選手Hannah練波,高手真是高手,不過都讓我幸運的打十場贏一兩場,有局還開了80% Ace