一個人聽演唱會

昨晚去了聽王菀之演唱會。 王菀之曾經係我小時候最鍾意既歌手，當年既價值觀多少都受到佢既影響。根據佢既講法，取笑佢出道超過二十年既人應該都已經超過四十歲，咁我可以理直氣壯咁講，我細細個已經聽佢既歌啦。呢把「被天使吻過的聲音」首次於紅館演唱就攪左個「顛覆紅館的Art Show」，近年轉戰電影，自帶喜感地飾演飯氣攻心既 Josephine 一角給人笑中帶淚，新一代可能以為佢係演員出身呢。 若撕開偏見窗外大道有更多面 the Pink Room, 2021 佢好多歌都環繞人生哲理，例如描述著如何從不幸中振作，如「心中有光環賜你力量 笑看從前疤痕」 — <小俠>；又為歌迷宣泄心中鬱結，「全憑藝術家打開思緒門口 寫每家故事 畫人性好醜」– <迷失藝術>；亦有關於快樂的<該死的快樂>，我們值得要「為 一安士快樂 捱一噸不快樂」嗎? 不得不提關於探討標籤文化既 <the Pink Room> ，由種族歧視至近年社會撕裂都同呢個文化有關。標籤本來可能只係方便我地簡單地認識複雜既社會，但亦帶來對他人既種種誤解。 Love has it all gently falls to the lonely melting heartAnd giving it a fresh new start Love has it all, 2005 如果出生前可能自行分配技能點，王菀之應該係將所有技能點都點到音樂造藝上。早幾日睇過佢 Story，知道佢喺上一站表演前把聲已經好沙，沙到話要全晚唱 rock，不過當 <Love has it all>既音樂一出，歌唱水準依然，而且一首比一首投入。 The dark

多謝柳爺

已經數唔到有幾多個朝早，係睇住柳爺既教學短片開始新既一日。多謝柳爺為我幾十年黎停滯不前既溝通技巧帶黎微小但重要既進步，亦點醒左我原來內向既人都有其優勢。 重新認識柳爺係因為七二一恐襲，嗰次恐襲表面上帶黎皮肉之痛，背後更造成好多人心靈上巨大既創傷。睇返報導，原來柳爺因為嗰次恐襲影響到生意，影響到婚姻生活，最後導向其生命既終結。 早兩日先睇完佢教演講站姿既短片，今早睇到報導既時候好錯愕，佢一直致力推廣佢既說話同跑步教室，表面上已策劃好一番鴻圖大計，背後原來也準備好了結自己既餘生。 自殺最令人傷感的，係事主喺生命既盡頭覺得活著比死亡更難受。

2023回顧+2024展望

年尾睇返年頭定左既目前，嗰陣既我實在太瞭解冇乜行動力既自己，所以將目標寫得好簡單，亦所以完成到大部分： 以下為超額完成到既成就： 我嗰陣仲寫埋出年既展望，等我而家唔駛再諗： 請容我今次貪心少少寫多一樣：

Black Creek Pioneer Village

Black Creek Pioneer Village 係條集古村，集合好多十九世紀安省既古建築，包括總督府、酒館、交易所、旅館、教堂等，亦附設當年鄉民 (即 NPC) 講解。 唔知點解每當見到啲木桶，直覺覺得劈開佢就會有錢或者食物可以執。

關於英文(一)

好多人唔信我英文差，唯有截圖証明一下。 如果時光倒流，好想當年可以學好啲英文。 但邊有咁多如果，即使今日明白英文既重要性，但喺學英文方面仍然有啲懶，最大既進步只不過係聽唔明既時候夠膽請對方講多次。 所以都係唔好太過責怪以前既自己啦。

2022回顧+2023展望

去到年尾，最緊要係睇下做唔做到年初定下既目標。我既2022年目標呢，好似仲未定好喎…😏 完 … 講笑 😛 其實今年好多野已經喺舊年年尾 plan 好晒。 首先舊年年底收到加拿大學校 offer，所以今年年初第一件事係唱錢交留位費。喺高位唱完錢先發現用港幣交留位費會抵啲 🥲 之後就開始申請簽証、辭職、買機票、執行李、換身份証、續 passport、申請出世紙副本、國際車牌、駕駛記錄証明等等等等。 搵屋方面好好彩喺出發前夾到另外三個同學，當中有人認識當地 agent，所以人未到就已經租左屋。 未黎之前最擔心係適應唔到呢度既冬天，同埋年紀咁大先重返校園會讀唔掂，但黎到先醒起我係唔怕凍，讀左一個 sem ，過左一個月冬天，暫時都仲應付到，考車方面亦順利一take pass。 最後係新一年既展望。開學後我會返三個月學校介紹 part time，之後就會開始 coop，後年再讀多兩個sem 加一個 sem coop 就會畢業(唔覺意寫埋後年展望😅)。 如果解決到泊車問題的話出年會買返架車。之前有啲驚冇車會好難度過呢度既冬天，但睇黎冇啲咁既事，所以都唔急住買既。 希望新一年大家都順順利利，有時間的話我會寫多少少呢度既生活點滴，不過有時間先再寫啦。 P.S. 最後要多謝我班學生幫我攞左久違了既盃賽冠軍，以及一眾教練們喺我離開後接手我班學生。當然仲有好多好多喺我黎加拿大前畀左好多意見我既家人朋友。老實講，我自己都唔知幾時會再返香港，又或者到時要去其他地方先可以撞返大家。暫時只知道我呢幾年都會留喺多倫多，路過記得要搵我啊

追不到的潮流

話說當年 Ubuntu 為左推廣，一經登記就會從海外免費寄一張安裝光碟畀你，對於當時買一張正版 Windows 仲要過千蚊既時代係好震撼。我都要追上潮流要左張，等有時間既時候裝黎玩下。結果當有時間既時候，部電腦已經唔用光碟機了

YOASOBI – 夜に駆ける

本身冇聽開 JPop，成張歌單加埋都唔夠十首，但聽講最近有女團 cover 左其中一首，很是驚喜。 YOASOBI 全部歌都係改篇自小說，佢地會先睇晒成篇小說，然後根據小說內容度身訂造首歌。 《夜に駆ける》 節奏輕快，但其實係一個關於自殺既故事。 故事講述喺黑心企業上班既男仔救左想自殺既女仔後一見鍾情，但個女仔始終冇打消自殺既念頭。令個男仔不解的是雖然每次都「破壞」左女友既自殺計劃，但女友每次自殺前都會先搵佢。 直到最後一次屋頂既拯救行動中，個男仔意識到女友搵佢並唔係希望得到拯救，而係想邀請佢一齊從焦躁及痛苦的世界中逃脫。於是個男仔拖住女友隻手，朝著美麗既夜空奔馳出去。

組聚

發夢都諗唔到尋晚夢見組聚旅行，其中一位已經移居外國既成員更特意飛返黎一齊玩，真係好感動。 組聚係以前大學仲有迎新營既年代，迎新營完結後，同組繼續一齊玩既聚會。 由中學升讀大學係學生年代一個重大轉變，迎新營就係呢個轉變入面第一批認識既朋友，新生們對大學第一印象好唔好，及後適唔適應到呢個轉變黎講好重要，而我亦好好彩做組仔同做組爸既時候都識到班啱傾啱玩既朋友，就算畢左業都仲有繼續聚。 不過發下夢好啦，現實中應該冇乜機會再攪到組聚，因為個癲婆關係，而家想一齊出街食個飯都唔容易，遲啲仲可能要各散東西，仲話旅行喎，真係諗都唔敢諗。

我的機箱

今日要介紹我的機箱。 它是一個 ATX 機箱，ATX 是最常見標準大小的機箱，不用擔心一般硬件會放不進去。 外表平實沒有光污染，不過家人仍然很介意機身上唯一的電源燈太亮，平日要想辦法遮住。 所有入風位都附有隔塵網，並保持正氣壓，即風扇的入風量高於出風量，確保空氣不會從沒有隔塵網的空隙漏進機身內。正因如此，除了機箱附送的兩把風扇外，我自購多一把貓扇栛助入風，就是大家在上一篇見到那把格格不入的風扇。雖然機身內部未至於一塵不染，但相比起上一個沒有隔塵網的機箱乾淨得多。 背板後有藏線空間，理線槽有魔術貼方便固定線材，可以把多出來的電線收好，方便日後拆裝維修及升級，亦減少惹塵的地方。 下置火牛有獨立風道，有鮮風幫助散熱，增加火牛壽命。火牛背板為可拆式，配上全模組火牛的話，可以直接從後抽出更換，不用再理線。 以上就是一個普通機箱未必有，但對砌機很有用的地方，如果願意花多一點點﹝其實也只是一點點﹞錢選購機箱的話可以留意一下。